(AGENPARL) - Roma, 18 Dicembre 2023 - (AGENPARL) – lun 18 dicembre 2023 COMUNICÂT STAMPE
AI 18 DI DICEMBAR DAL 2023
aes 17.00
Palaç Clabassi – vie Zanon, 22
CJATÌNSI IN SORINTENDENCE
LA METUDE IN SIGURECE E LA TUTELE DAL PATRIMONI
CULTURÂL INTAI CÂS DI EMERGJENCE
LA FORMAZION DAI VOLONTARIS DE PROTEZION CIVÎL TE METUDE IN SIGURECE
DI BENS CULTURÂI PAR VIE DI CALAMITÂTS
ESPERIENCIS A CONFRONT
La Sorintendence Archeologjie, bielis arts e paisaç dal Friûl-Vignesie Julie e vierç lis
puartis par contâ, scoltâ e ilustrâ ae comunitât la sô ativitât istituzionâl e i siei compits
di tutele dal patrimoni culturâl. Lu fâs cuntun incuintri, in colaborazion cu la
Protezion Civîl de Regjon autonome F-VJ, lunis ai 18 di Dicembar aes 17.00 te
sede distacade di Udin.
L’event, organizât par sensibilizâ la coletivitât su protezion civîl, resilience e
riduzion dai pericui, si ocuparà de metude in sigurece e de tutele dal patrimoni culturâl
intai câs di emergjence e de formazion preventive dai volontaris de Protezion Civîl.
Lis diluvions e i fenomens gjeologjics che a son causâts dai cambiaments climatics
corints, di fat, a oblein a gjestî simpri plui dispès situazions di emergjence. Chescj
events a puedin meti in pericul la conservazion di bens storics artistics, architetonics e
trasformâ i nestris paisaçs in maniere ireversibile.
La Sorintendence Archeologjie, bielis arts e paisaç F-VJ e la Protezion Civîl de Regjon
autonome Friûl-Vignesie Julie a àn firmât, in ocasion dai 40 agns dal taramot dal 1976,
une convenzion che tra i siei obietîfs principâi e à chê di formâ volontaris intal setôr
specific de metude in sigurece dai bens culturâi tal câs di situazions di emergjence. La
convenzion e je stade confermade pe prime volte tal 2018 e in chest moment si è daûr
a rinovâle.
La formazion e consist intal «Cors di formazion di fonde pe metude in sigurece di bens
mobii par vie di calamitâts» che al à il fin di dâ ai volontaris de protezion civîl lis
nozions fondamentâls su la normative in vore intal setôr dai bens culturâi e su lis
operazions di recupar, metude in sigurece, imbaladure e traspuart di bens storics
e artistics interessâts di chescj events. In diviers moments, a àn colaborât ae formazion
i rapresentants de Curie Arcivescovîl, dal Comant Provinciâl Vigjii dal fûc e dai
Carabinîrs dal Nucli Tutele Patrimoni Culturâl; cun di plui, la formazion e à previodût
esercitazions pratichis coordenadis dal personâl tecnic sientific de Sorintendence.
Dal 2016 incà a son stâts formâts uns 250 volontaris che a àn dât il lôr contribût cussient
te diluvion VAIA, che e veve cjapât il Friûl tal Otubar dal 2018, ma ancje in moments
plui resints, cu lis calamitâts che a àn interessât la Regjon e il Nord Italie tal 2023,
leadis al maltimp te Basse furlane e aes diluvions in Emilie-Romagne.
Prime dal event si podarà fâ une visite vuidade tal “laboratori di restaur” de
Sorintendence Archeologjie, bielis arts e paisaç dal F-VJ
(tacant des 16.15 dopo vê prenotât doprant il leam chi sot e daûr dai puescj
disponibii)
Ingrès libar fin che a son puescj disponibii
SI CONSEE DI PRENOTÂSI doprant chest leam
https://forms.gle/ZHX6tNw9fPE1ATtS8
Revision e traduzion dai tescj par cure dal Sportel regjonâl pe lenghe furlane de ARLeF
Revisione e traduzione dei testi eseguite dallo Sportello regionale per la lingua friulana dell’ARLeF.
Triest, ai 15 di Dicembar dal 2023
Ufici Comunicazion e Promozion de Sorintendence Archeologjie, bielis arts e paisaç dal Friûl-Vignesie Julie

Soprintendenza Archeologia, belle arti e paesaggio del Friuli Venezia Giulia

https://www.facebook.com/SABAP.FVG