(AGENPARL) – gio 25 maggio 2023 COMUNICÂT STAMPE
S ETEMANE DE CULTURE FURLANE
DAVÂR
Sale des cunvignis dal Complès turistic ambientâl di Aplis
localitât Aplis, 2/C – Davâr
SABIDE AI 27 DI MAI DAL 2023
AES 17.00 e AES 18.15
DOI INCUINTRIS SU LIS DISCUVIERTIS
ARCHEOLOGJICHIS RESINTIS A DAVÂR
Inte suaze de X edizion de Setemane de Culture Furlane, promovude de Societât
Filologjiche Furlane, la Sorintendence Archeologjie, bielis arts e paesaç dal Friûl-
Vignesie Julie e propon doi incuintris dedicâts aes testemoneancis archeologjichis
intal teritori di Davâr, te Sale des cunvignis dal Complès turistic ambientâl di Aplis.
La prime conference, dal titul “ Due ponti, una strada: tracce di una storia sepolta a
Ovaro ”, si fasarà sabide ai 27 di Mai aes 17.00 e e sarà la ocasion par fevelâ de di –
scuvierte di doi puints di piere, doi manufats poiâts un su chel altri e logâts suntun
cret, che a son stâts puartâts a lûs cu lis oparis pe realizazion de taronde li dal acès ae
cjartere di Davâr. Par permeti di lâ indenant cui lavôrs de taronde, i doi puints a son
stâts dismontâts cun criteris sientifics, e dutis lis operazions a son stadis documenta –
dis cun tecniche archeologjiche.
Tal dopomisdì a saran presentâts i risultâts e ancje analizadis lis problematichis dal
intervent archeologjic, cirint di furnî une interpretazion storiche e une lôr colocazion
cronologjiche: pal moment, di fat, si pues dome afermâ che a sedin stâts fats sù prin
dal secul XX. L’event al sarà ancje une oportunitât par esponi in anteprime il progjet
di valorizazion dai rescj dai doi puints, che FVG Strade S.p.A. al è daûr a elaborâ
in acuardi cu la Sorintendence ABAP FVG e cul Comun di Davâr.
Inte stesse sede, aes 18.15 si davuelzarà il secont incuintri dal titul “ La montagna
iscritta: il masso con le iscrizioni venetiche di Mione di Ovaro ”, dulà che e vignarà
presentade la discuvierte resinte fate inte frazion di Mion di Davâr, ven a stâi un cla –
pon incidût che al è a cirche 1600 metris di cuote e che al presente iscrizions veneti –
chis . E je une discuvierte une vore impuartante par cognossi la difusion de lenghe ve –
netiche in Friûl e ancje i percors antîcs e de viabilitât inte mont alte.
Il studi di chest repert al darà la pussibilitât di proponi un teme une vore dibatût tra i
studiôs, o ben la definizion culturâl des popolazions che a vivevin in Cjargne inte ete
preromane. Lis denominazions di chescj popui no son inmò dal dut claris e a vegnin
di diviersis fonts antighis e di rescj archeologjics che no son simpri facii di interpretâ.
Program dai incuintris
SABIDE AI 27 DI MAI DAL 2023
aes 17.00
Sale des cunvignis dal Complès turistic ambientâl di Aplis
localitât Aplis, 2/C – Davâr
“ Due ponti, una strada: tracce di una storia sepolta a Ovaro ”
Intervents di
dot. inz. Luca Vittori (FVG Strade S.p.A.)
dot. Roberto Micheli (archeolic – Sorintendence ABAP FVG)
dot.re Raffaella Bortolin (archeolighe)
arch.e Angela Coiutti (FVG Strade S.p.A.)
arch. Giovanni Sandre (FVG Strade S.p.A.)
* * *
SABIDE AI 27 DI MAI DAL 2023
aes 18.15
Sale des cunvignis dal Complès turistic ambientâl di Aplis
localitât Aplis, 2/C – Davâr
“ La montagna iscritta: il masso con le iscrizioni venetiche di Mione di Ovaro ”
conference di
dot. Roberto Micheli
(archeolic – Sorintendence ABAP FVG)
prof.re Anna Marinetti
(Dipartiment di Studis Umanistics – Universitât Ca’ Foscari di Vignesie)
Revision e traduzion dai tescj par cure dal Sportel regjonâl pe lenghe furlane de ARLeF /
Revisione e traduzione dei testi eseguite dallo Sportello regionale per la lingua friulana dell’ARLeF
Ufici Comunicazion e Promozion de Sorintendence Archeologjie, bielis arts e paisaç dal Friûl-Vignesie Julie

Soprintendenza Archeologia, belle arti e paesaggio del Friuli Venezia Giulia