(AGENPARL) – ven 14 aprile 2023 COMUNICÂT STAMPE
TOR DI PORDENON
GNOVIS VIERTIDURIS
PE VILE ROMANE
VIERTIDURE E VISITE VUIDADE DE VILE ROMANE
Domenie ai 16 di Avrîl
10.30-12.30
Domenie ai 16 di Avrîl e torne a vierzi al public la Vile romane di Tor, sît
archeologjic impuartant di proprietât demaniâl, che si cjate tal parc dal flum Nunciel
a Tor di Pordenon, e che al è stât sgjavât dal Cont di Ruvigne intal secul passât.
La part esponude e visitabile dal complès e je caraterizade di un implant termâl e di
diviers altris ambients che a permetin di ricostruî la funzion e la ricjece di cheste
struture. La Vile e rapresente un esempli particolâr di insediament produtîf e
residenziâl intal Friûl ocidentâl roman.
L’orari di viertidure al sarà des 10.30 aes 12.30 e la visite vuidade e je previodude
pes 11.00 (si calcole che e duri sù par jù une ore).
La jentrade e je libare. Si pues ancje prenotâ a chest leam: http://bit.ly/eupolis
La programazion e la organizazion di viertiduris e visitis destinadis ae promozion e
ae cognossince de vile romane a son fatis in colaborazion cul studi Eupolis, che al
progjete e che al realize percors assistûts tai sîts archeologjics e tai museus,
laboratoris par zovins e fameis, events di divulgazion e esposizions.
Pai prossims mês si previodin chestis viertiduris e visitis vuidadis:
– dal mês di Mai fin tal Setembar dal 2023: ogni domenie, cun orari 10.30-12.30
– dal mês di Otubar dal 2023 fin tal Març dal 2024: la prime domenie dal mês, cun
orari 10.30-12.30
Puest dulà cjatâsi:
https://www.google.com/maps/place/Villa+Romana+di+Torre+di+Pordenone/
%2F11gbfq8p24?hl=it
Revision e traduzion dai tescj par cure dal Sportel Regjonâl pe Lenghe Furlane / Revisione e traduzione dei
testi eseguite dallo Sportello regionale per la lingua friulana dell’ARLeF
Ufici Comunicazion e Promozion de Sorintendence Archeologjie, bielis arts e paisaç dal Friûl-Vignesie Julie

Soprintendenza Archeologia, belle arti e paesaggio del Friuli Venezia Giulia